تم الانتقال الي المدونه الجديده !

السلام عليكم ورحمة الله وبركاته !

هذي هي مدونتي اليديده من وورد بريس


http://keiewii.wordpress.com/

ان شاء الله نشوفكم هناك :)

---------

Hi !

i moved to Word press with this address


http://keiewii.wordpress.com/

الانتقال الى مدونتي الجديده قريبا !

السلام عليكم ورحمة الله وبركاته !!

لاحظت كثيرا في هذي المدونه هو تأخر ظهور آخر المواضيع اللي اكتبها !
فمثلا اذا كتبت موضوع ما اقدر اشوفه الا لما اسوي ريفريش مليون مره

مليت صراحه فقررت اني انتقل الى بلوق جديد بس بعدني ما قررت !
ان شاء الله اول ما انتقل احط العنوان وشكرا للجميع :)

تقويم الاسنان..موضه؟ دلع؟ ام فعلا علاج؟

السلام عليكم ورحمة الله وبركاته

تقويم الاسنان؟ ممم اعتقد "كان" يستعمل كعلاج لتعديل الاسنان من التشوهات ولكن
لاحظت في الآونه الاخيره انتشار تقويم الاسنان بشكل جدا ملحوظ !! وخصوصا "الشبااب" شي جدا غريب.
وبصراحه اشوف الشباب هو اللي يحط التقويم اكثر من البنات :/

والكثير منهم حاطنه زينه بس ! يعني الحين ابغي اعرف هل تقويم الاسنان صار موضه ؟ولا دلع ولا علاج؟؟؟
ما ادري عن بلدان الخليج الاخرى بس لاحظت عندنا انتشار هالنوعيه من الشباب وشي ثاني بعد


يختارون الوان معينه علشان التقويم يبين فيهم -!!
بس قبل لا حد يفهم غلط هالشباب مب من النوع الشاذ! لا بل شباب عاديين!

تطور الانحطاط في العالم العربي....

السلام عليكم ورحمة الله وبركاته
الوايرليس خربان ما ادري شو سالفته وعلشان جذي هالفتره اطالع التلفزيون ولو ان مب من عادتي
بس شنسوي من الفضاوه ما نقدر ندخل النت وايد خخخخخ
المهم وانا اطالع التلفزيون ايلس افرفر في القنوات لأني ما اعرف شو القنوات الموجوده خخخ "غجري" بس اتكلم جد.

لاحظت كم قناه غريبه صراحه ! وحده اسمها سترايك ووحده اسمها الشبابيه والثالثه اسمها الإماره !
والغريب فيهم انهم كلهم نفس المحتوى وبنفس الوقت شي سخيف ومنحط بصراحه
حاطين مذيعات ماعندهن سالفه يقعدن يسألن اسأله! والمشكله ان ياريت حد يتصل خخخخ ما يتصلون الا كل عشر دقايق واحد والوقت اللي ما يتصل فيه احد يقعدن يغنن بروحهن ويضحكون و يعيدون ارقام الدول الف مره بصراخ !

نتكلم عن الاستديو ممم كيف اقول تحس انه شي رخيص وبقوه! حاطين المذيعه في صاله ووراها تلفزيون شي مبهدل وغير مرتب يعني !
كان في سؤال في احد الحلقات و السؤال هو

ماهو الشيء اللي ياكل ولا يشبع وعندما يشرب يموت؟

طبعا الجواب هو النار

في كم واحد قال النيران و والمذيعه تقوله "ايه؟ الرمال؟" لا الجواب غلط مش الرمال

لهذي الدرجه وصلت ؟ مب حرام يعني؟
عموما القناه تجاريه بحته ومنحطه بس تاخذ فلوس الناس بس الخطأ هو من المتصل المسكين اللي ينضحك عليه بسبب المذيعات اللي شبه عاريات !!!

شي ثاني

من فتره بدأ برنامج الانحطاط الاكبر وهو ستار اكادمي
تخيلوا وصلت لدرجة ان "شباب المستقبل" اللي بيفيدون اوطانهم انهم يتسبحون في مسبح الاد وبنات مع بعض !!!
قلت هذي الدرجه خلاص يعني؟ مافي مستحى؟ بس ما اقول غير الله المستعان والحمد لله اني عايش في هالجيل مو جيل المستقبل !
الله يعين االاجيال القادمه الصراحه , اكثر شي خايف منه هة ان بلاداننا العربيه تصير منفتحه اكثر واكثر ونصير مثل الاوروبيين وللأسف هذا من المؤكد انه بيصير .

الله المستعان

ذكريات الصبى ! :P

السلام عليكم ورحمة الله وبركاته
لول من زمان عن آخر موضوع نزلته !
بس مشغول وعندي مشاكل بالوايرليس ..الخ

المهم هذا ايميل واصلني من احد زملائي في الجامعه ! هههه ذكرني بأيام اول !

لول اللي يتذكر هالحلويات !

اخر حلاوه هي اللي تقدر تصفر فيها خخخ اتذكرها عدل !

ذكريات ثانيه


الطياره الورقيه خخخ



اتاري اظن الكل يتذكره !

شكرا للجميع.

السلام عليكم ورحمة الله وبركاته

ماعندي شي أقوله بس حبيت اشكر الجميع على متابعته المستمره للمدونه ولو انها جدا بسيطه
وأتمنى انها تتطور اكثر وأكثر ، لكن اللي ابغي من القراء بعض الاقتراحات للمدونه، كيف اطورها ؟
شو نوعية المواضيع اللي تجذب القارئ؟ وشو العيوب اللي تشوفها في المدونه وتحتاج تعديل وتحسين.
أتمنى من الجميع المشاركه علشان احسن من مستوى المدونه.
(باب التعليقات مفتوح الآن للجميع)

مره ثانيه شكرا جزيلا للجميع عل المتابعه. :)

مطرررررررر !

السلام عليكم ورحمة الله وبكاته !
من البارحه بالليل لين الحين العصر والمطر مستمر في النزول !
طبعا الحمد لله عالرحمه ! عندي كلاس الساعه 4 ودبي كلها زحمه !!!

اتصلت فيهم قلت لهم دبي كلها زحمه كيف اوصل الجامعه !!!!
قالت لي اذا ما تقدر توصل عادي مافي تسجيل للحضور والكلاسات بتنعاد ! يس وناسه خخخخخخ
التوقعات تقول ان نفس الشي لين باجر المغرب + المدارس معطلين باجر بعد !!!

الله بيعطيك أجر!

السلام عليكم ورحمة الله وبركاته !

ههههه من المواقف اللي صارت لي الفتره الاخيره او بالاصح ايام الامتحانات..

كنت قاعد امشي في الحوي او "الحوش" وانا امشي شفت حمود ولد اخويه عمره 6 تقريبا ..ههه سوالف هالانسان

شفته قاعد يلعب، ولاحظت انه فار"قاط" قرطاسه عالارض ، قلت له حمود لو سمحت شل القرطاسه وارميها في الزباله الله بيعطيك اجر"طبعا بكل ادب كلمته"

قال انزين ، عطيته ظهري ومشيت شوي والا اسمعه يقول حق الخدامه ، شلي القرطاس وارميه في الزباله ترا الله بيعطيج اجر :/
ولا كأني كلمته :/

روتين غير اعتيادي !

السلام عليكم ورحمة الله وبركاته !

ممم كلمة "روتين" اللي بالعنوان اقصد فيها روتين بشي غريب "او غير اعتيادي" ادي انه تناقض بس، دايما يستويلي
وانا استغرب منه ، دايا اقول لأ صدفه :/ والمشكله هالشي يستوي دايما
مثلا ، هذاك اليوم قاعد عالنت واربيعي من السعويه يا على بالي ، فجأه بعد خمس دقايق
تلفوني يرن واشوفه هو اللي متصل ! هالشي دايما يصير لي واقول صدفه


شي ثاني ، مثلا احد من الاهل يكون في بالي ، اشوفه اليوم الثاني ياي بيتنا او نفس اليوم :/
واليوم بعد! ما ادري ليش استاذنا اللي مدرسني من 7 سنين يا في بالي !
الا اشوفه اليوم في المسيد ! طبعا هو ما عرفني بس انا عرفته ! وسلمت عليه خخخخ
ممم ما ادري اذا هذا الشي عادي ولا طبيعي بس يستويلي بشكل مستمر جدا !