ياشين الفلسفه!

السلام عليكم ورحمة الله وبركاته !
من فتره ! اممم اظن شهر تقريبا !
جوني كم يوم ما اقوم لصلاة الفجر ! قلت لازم اروح اشتريلي ساعه
التلفون ما ينفع علشان الواحد يقوم من النوم المتعب !
فرحت اشتريت هالساعه !
قبل النوم قلت يالله عاد ساعه جديده
شو عليه :P
ضبطت الساعه علشان اقوم عالساعه 5 ونص
رحت انام ...فجأه الساعه رنت بعد 3 ساعات ونص !
قلت زين اني قمت !
رحت اتوضأ الخ
وبعدها رحت صحيت اخوي علشان الصلاه !
طلعت من البيت وفي نص الشارع ...
هدوء مااسمع اي شي ...قاعد اقول شو السالفه ما اشوف حد بالطريج..
شفت ساعة اليد .. الساعه 4 ونص !!!!
حتى الاذان بعده ما اذن O___O"
انا شو اسوي في الشارع بروحي !

!
رجعت البيت شفت الساعه اني مضبطها على ال4 ونص بدل ال5 ونص
-__-
قلت اووف باقيلي ساعه خلني انام احسن!
نمت والا اشوف عمري قمت الساعه 6 او 7 !
اقووول شو الساااالفه !
رحت اشوف الساعه -___-"
الا اشوف انا ناسي اضغط الزر اللي فوق الساعه علشان ترن
-___________________-"

ياشين الفلسفه بس ...

cappuccino!

السلام عليكم ورحمة الله وبركاته
ما ادري شو صاير لي آخر 10 ايام ، كل يوم اشرب كابتشينو
كللللللللل يوووم ، اربيعي يقولي انت مدمن ، اقوله لأ!
كل يوم الصبح اول العصر قبل الدوام امر وآخذ لي كابتشينو :/
هل يصير فعلا ادمان ؟؟؟
لأني الحين لما اقوم الصبح اول شي يجي في بالي الكابتشينو :/

N95 8GB انطباعات

السلام عليكم ورحمة الله وبركاته !
طبعا قلت في البوست اللي فات اني بكتب عن ال95 8GB
بعد 4 ايام من الاستعمال اقدر احط النقاط السلبيه والايجابيه للجهاز
---
N95 8GB
النقاط الايجابيه:
-ذاكره داخليه ٨ غيغا بايت
-كاميرا ٥ ميغا بكسل مع فلاش
-واي فاي داخلي
-متصفح انترنت
-نقاوة صوت ممتازه ومرتفعه
-تصوير فيديو جدا ممتاز
-١٦ مليون لون في الشاشه
-نظام الخريطهGPS
-شاشه كبيره
-امكانية تنزيل البرامج
-بطاريه مناسبه لقوة المواصفات
خدمة الجيل الثالث-
-امكانية تنزيل البرامج مثل المسنجر
---
النقاط السلبيه
-كبر الحجم نوعا ما
-بعض العيوب في السوفت وير
-السعر بعض الشيء
---
صور

عند اختيار التصوير عن قرب

N95 8GB !

السلام هليكم ورحمة الله وبركاته !
ما بغيت اغيره بعد سنتين من استعمال N70
لول صورة الN70
بعد استعمال دام سنتين خخخخ

وايضا استعملت سوني اريكسون كي ٨٠٠
واخيرا اشتريت مو بايل جديد من يومين وهو الN95 8GB

الانطباعات قريبا !

رجعت !

السلام عليكم ورحمة الله وبركاته !
اظن اكثر من اسبوع ما ككتبت شي
الامتحانات وما تسوي ... زفتت تفزفيت محترم في الماركتنج ....وبحاول اعوض في البروجكت ان شاء الله !!
صدق كنت متضايج ال٣ ايام اللي فاتت _-_
عموما في ايام الامتحانات جا ضيف جديد او بالاحرى ضيف مؤقت لأنه كان ينتظر دوره علشان ينطبخ خخخخخخ!
خخ تفضلوا !